唔少男女喺完事之後都鍾意享受鴛鴦浴，呢個部分不但可以增加性愛情趣，若然喺過程中略施小技，更能有助男伴回氣，不妨參考以下三招，或者會有意想不到嘅效果㗎！

溫水紓緩疲勞

鴛鴦浴時，女性不妨先用溫水替男伴洗擦全身，由於溫水有助促進血液循環，令仍然處於繃緊狀態嘅肌肉得以鬆弛，從而加速恢復體力，到時想男伴再次堅強起來就唔成問題啦！雖然呢種方法嘅功效明顯，之不過姊妹們要注意水溫， 水溫過低除咗唔能夠促進血液循環之外，喺劇烈運動之後，以凍水沖身仲好易生病；至於水溫過熱就會有可能灼傷皮膚，甚至會弄傷小弟弟㗎！

按恥骨助放鬆

各位姊妹如果想加強效果嘅話，當你替男伴洗擦全身之後，不妨替佢按摩一下。首先從肩膊入手，按摩肩膊有助鬆弛上身肌肉，跟住再按摩恥骨，即係脊椎同盆骨嘅連接位置，名為恥骨尾骨肌，當男人處於興奮狀態，例如高潮，恥骨尾骨肌就會劇烈收縮，迫使精華素向上通過尿道射出。由於完事之後，恥骨尾骨肌仍然處於緊張狀態，需要一段時間先至可以放鬆，所以姊妹們可以用指尖喺恥骨部位輕輕打圈按摩，呢個做法能夠幫助放鬆肌肉，令男伴更快回復狀態。

按穴位添精力

肚臍至性器官之間位置，有好多同男性生殖器官有關嘅穴道，不妨輕輕按摩呢個位置，可以促進睾丸同前列腺血液循環，加快製造精華素嘅速度。而且按摩呢個部位可以產生神經反射，同樣有助男伴再次站起來！