歐美脫星對內衣非常講究，而且分門別類，好似最常睇到嘅塑膠、皮革以及絲襪高踭鞋，滿足到不同癖好嘅影迷。但對麻甩佬嚟講，有得睇冇得食其實係一種折磨，於是「另類內衣模特兒」就應運而生。

競爭激烈

話佢哋係Model似乎唔合標準，事關佢哋身材並非特別標青，樣貌亦唔算索爆，純粹係為搵快錢而入行，當然亦有一班「戀內衣癖」囡囡坐鎮，成為一班專為麻甩佬解決慾火嘅「裸體模特兒」！

據講，呢班「Model」大約喺三年前於互聯網出現，當時由一班失學失業嘅卜卜脆o靚妹仔組成。佢哋透過互聯網同人客玩色情視頻；於鏡頭前穿着不同款式性感裝束，然後逐一脫下，再加上自摸動作，都算搵到餐晏仔！

但近年市場競爭日趨激烈，唔止o靚妹仔識做，連四仔脫星都加入戰圈。呢班o靚妹又再嘗失業滋味，但又畀佢哋發現，與其透過鏡頭色誘咁「平面」，不如親身上門為人客服務更「立體」，於是就開始咗第一次上門做Model！

親自挑選

雖然同樣透過網上招客，但加埋玩上門服務都可算「爆」，所以一開始相當受歡迎，但問題係每次囡囡「出巡」都要帶備大量性感胸圍底褲「出騷」，置裝費用不菲，同時拖住個「篋」開工唔方便又古怪。再者，並非每位人客都欣賞阿妹對內衣嘅「審美眼光」，於是呢班妹豬就決定將服裝費「轉嫁」喺人客身上，若然人客唔介意，可陪同人客到內衣店齊齊選購喜愛款式，滿足對方官能刺激之餘，亦可慳回不少置裝費，可謂一舉兩得。

所有問題都解決晒後，就係搵真銀時間，有曾幫襯過嘅網友表示，試過同其中一位名叫Angelica嘅囡囡到內衣店買胸圍：「過程好刺激，我喺網上預約囡囡到指定內衣店等，然後囡囡就拖住我，十足男女朋友咁，喺店內不停問我喜好，然後更即場試穿畀我睇，詢問我意見，咁搞法好難冇生理反應囉！事後我總共買咗五套連身睡衣、護士制服及魚網內衣送畀佢，之後囡囡仲去埋我屋企喺我面前即席試着！」

副業幫補

喺得人客面前換衫，話冇下文都冇人信啦。的確，囡囡嘅客源大部分都係「宅男」，連去滾都唔願，而呢個陪買胸圍底褲過程，可減少嫖妓嘅尷尬感覺，難怪大受歡迎啦！不少玩家都喺網站留低「賽後報告」，大部分都表示同囡囡有一手，原因正係忍無可忍！

一位玩家Marc於網上留言：「囡囡唔算好靚，但當佢着住我心愛款式嘅性感內衣時，一擺出誘人甫士，視覺享受已經爆晒燈，我哋孤男寡女，唔搞嘢就假啦！」但原來想再進一步並冇標準收費，有玩家表示曾用五百美元（折約四千港元）同囡囡執一劑，亦有玩家話一百美元就搞得掂！而基本嘅試衫收費，每小時只需二十美元，（折約一百六十港元），難怪要做副業維生啦！

至於呢班囡囡最近亦愈玩愈專業，除咗基本嘅試着服務外，更發展到「全身服務」，只要人客出得起錢，囡囡就可以依你要求由頭扮到腳。不論髮型、服飾、高踭鞋以及腳甲顏色都一一滿足顧客，其實最終目的咪又係賣淫，但班衰妹識度橋包裝，想唔發都難啦！