以前鋼管舞係夜總會、舞廳嘅表演項目，因為呢個原因，鋼管舞被視為唔正經嘅舞蹈。不過時至今日，鋼管舞不但洗脫賣弄色情嘅污名，更成為健身纖體嘅健康運動。而美國一間位於伊利諾州嘅婚姻介紹所更將鋼管舞融入課程之中，以提升徵婚女士嘅自信心。
據負責人解釋，推出呢個課程嘅原因，係因為見到不少徵婚女士都相當怕醜，為咗提升佢哋嘅自信心，以及凸顯魅力，於是搵嚟專業鋼管舞導師傳授鋼管舞，讓女士們透過誘人嘅舞姿，吸引異性嘅目光。
不過最讓負責人意想不到嘅，係呢個課程竟然有不少夜總會小姐報讀，原來佢哋認為學識鋼管舞，既可以拉近同客人距離，同時可以趁機會搵番個老公，可謂一舉兩得喎！唔知大家有冇興趣利用鋼管舞嚟擴闊生活圈子呢？
收 費：US$800
注意事項：婚姻介紹所對報讀人士設有收生規定，不接受五十歲或以上女士報名。