女侍應招徠

話說二次大戰後，香港受到英美文化嘅影響，多咗人鍾意食西餐，由於當時只有高級餐廳至會提供西式食物，而呢啲餐廳收費昂貴，而且唔太歡迎華人幫襯，為咗滿足需要，冰室、咖啡室、餐室等小店相繼興起，提供低廉嘅西式食物畀巿民大眾。

而當中有啲叫做「茶室」嘅小店，裏面只供應普通嘅奶茶、咖啡，食物選擇亦只得多士、蛋糕等，種類甚少。本來呢啲茶室只係致在上班一族於早餐或下午茶時段幫襯，但為咗增加客源，有部分茶室會招聘年輕女侍應，然後再將茶室嘅燈光變為桃紅色。起初呢啲茶室，只靠女侍應嚟吸引顧客，但好多客人醉翁之意不在酒，成日向女侍應摸手摸腳，於是有老闆索性搵啲風塵女子嚟做侍應，仲會提供埋特別服務。

陪聊任抽水

客人幫襯，先要叫一杯飲品，價錢同平常餐廳一樣，但如果想搵侍應陪聊，就要幫侍應點一杯類似「小姐特飲」嘅飲品，價錢等同正常飲品嘅三至五倍。每點一杯飲品，侍應就坐大約十至十五分鐘，陪聊期間客人可以摸吓手仔攬吓腰。但如果要一摸侍應雙奶，就要額外收費，由於當時嘅風氣較保守，現場唔會有起機同更出位嘅服務，想同侍應一夕風流，就要等侍應落班後至有交易。

當年幫襯嘅全部都係白領一族，後嚟到咗六十年代，茶室開始式微，就變成為老人玩意。而茶室用桃紅色燈光除吸引客人外，據講仲可以令腦部產生興奮感覺，誤以為時間過咗好耐，令客人增加流動率，真係估唔到當年嘅茶室，已經深諳現代經營之道呢！