該項調查，總共訪問咗四十一個國家及地區，合共三十一萬七千人，將受訪地區分為高、中及低三種唔同收入程度，結果發現低收入國家嘅人平均性伴侶數目為六點三個，中等收入國家為八點六個，而高收入國家就有九點七個，可見富裕嘅人性愛態度比較開放。

貧富懸殊

雖然話高收入地方嘅人，性愛較為開放，但係高踞爛滾排行榜榜首嘅，竟然係平均收入較低嘅土耳其，平均每人有十四個性伴侶。呢個結果令不少人感到意外！

對於呢個結果，有性學專家認為不足為奇，事關土耳其為全球其中一個貧富差距最大嘅國家，有錢人當然可以享受極盡奢華生活，而喺呢種情況下，就形成土耳其成為最多性伴侶嘅國家。

生理循環

事實上，有錢人不但滾嘅次數比一般人多，而性慾亦比一般人較為旺盛。英國一成人雜誌進行一個網上調查，發現財富愈多嘅人，性慾愈旺盛，性愛頻率亦多於窮人。

呢項調查合共訪問咗五千人，發現年薪五萬英鎊以上嘅男性，平均每星期做愛三點六次，而收入只有一萬英鎊或以下嘅男性，平均每星期只有二點六次。有心理學家認為，男性通過累積財富吸引異性，而女人則為咗得到優質生活，對冇錢嘅男人不會產生興趣。除此之外，更與生理因素有關，因為掌管男女性慾嘅性激素同人嘅自信有莫大關係。當賺得愈多錢時，人就有更多自信心，刺激性激素分泌，性慾就愈旺盛！