本文重點
麻甩佬行街同女人好唔同，女人東揀西揀買平嘢，而男人喺買嘢之餘，仲會(目及)吓啲女Sales，睇吓佢係咪靚女，係嘅話就算啲嘢唔啱用都會入去兜個圈。日本有成人用品店為咗吸引麻甩佬幫襯，便諗出一條絕橋，就係「無下着Sales」喇！
聽個名就知，所謂「無下着Sales」就係指店內嘅女售貨員，喺賣嘢嘅時候，下身只係穿着一條小底褲。當然，佢哋唔會就咁樣半裸下身四圍走，只會企喺收銀櫃後面，客人如非趷高腳嘅話，其實好難睇到Sales下身嘅春光。
據呢啲成人用品店嘅老闆表示，為咗刺激物品嘅銷量，佢哋便諗出呢條絕橋。當客人見到如此春光時，慾火急升之餘，購買欲亦會大為提升，而且喺收銀櫃前排得隊，點都要畀錢買番多少嘢至合理。老實講，可唔可以提升銷量就唔知，但卻相當有噱頭，就算唔買嘢都要入去睇吓啦！
注意事項：
雖然「無下着Sales」夠吸引，但唔好以為佢哋會提供特別服務。事關佢哋唔會賣身，縱然你對Sales有性幻想，亦只能遠觀而不可褻玩，否則又點氹到你買情趣用品洩慾火呢？