Q:假設當你同情人撐枱腳時，突然唔小心將食物整跌落枱面，你會……

A. 自嘲一番解窘。

B. 由得佢，繼續進食其他食物。

C. 唔好浪費，夾番起照食可也。

D. 保持鎮定，轉換話題扮睇唔到。

A.灑脫面對

擁有數次戀愛經驗的你，明白愛情來匆匆時去也匆匆，唔能夠強求。雖然你會珍惜每一段戀情，但當感情轉淡，無奈分手時，你並唔會太傷心，反而會期望下一次遇到更好的情人。

B.左右逢源

每當你意識到感情即將終結時，你會想辦法搵第二個人填補空缺，萬一同情人分手，都有後備情人可以陪伴。但同時間你又會同舊情人拖拖拉拉，結果令三個人都活於痛苦之中。

C.耿耿於懷

你對每段感情都相當認真，拍拖時會全情投入，所以分手時往往會因為過分投入而換來無限痛苦同唏噓。分手後仲會一直對舊情耿耿於懷，而未敢再闖情關，結果錯失機會。

D.對愛執着

你為人理智，對愛情亦知進退，明白感情事無法完全掌握在自己手中。但由於你唔容易動情，所以一旦搵到心儀對象，就唔會輕易放棄，想和你和平分手絕不是易事。