她說，骨場環境實在太複雜了，所以，決定跑出來，開一個屬於自己的檔口。她是一個陀地骨鳳，年逾三十，前陣子還在九龍油尖區一家中型骨場返工，不過兩個月前，她決定要自己開檔，她恃的，就是手上的一班熟客。「點複雜？你知唔知，小姐房入面好多規矩o架？」她隨便說了一個例子：「囡囡有鐘上，除咗靠熟客點鐘，一般都係跟公司輪牌，但點樣輪法？我哋冇話事權，有陣時睇住人哋輪兩三轉都唔到自己，就知發生咩事。」
她說，原因離不開幾個：一，跟負責輪牌的人（老闆、老總都有影響力）關係不好；二，沒有上繳……她說起來欲言又止，每一行都有黑暗面，揼邪骨這回事，怎能例外？「反正依家做骨場生意都唔見得好，既然有姊妹叫到，咪齊齊轉行囉。」
她說，她姊妹做過上樓骨，對於如何應付業主、如何搞毛巾、搞清潔都算清楚，加上她們的檔口就在樓上樓下，她才敢跑出來，不然……「以前喺場做，咩嘢都有人照顧晒，又安全，如果唔係環境咁惡劣，我都唔會貿貿然出嚟做……」
慶幸的是，她的收入，比以前真的好了一點點：「最重要係個人真係開心咗。」