唔知係咪自細受到「長平公主」呢個形容詞影響，以致從小覺得但凡叫做公主嘅，身材都係平平無奇。點知見到呢個《奧丁領域》中嘅公主薇爾維特後，完全改變咗我嘅觀感，皆因呢個公主性感美麗之餘，雙峰更係激凸無比！
其實《奧丁領域》係日本嘅人氣電玩，故事講述曾經擁有絕大力量嘅魔法大國巴雷泰因，成為咗各地區嘅霸主。點知後來卻突然滅亡，為咗得到巴雷泰因擁有嘅絕大力量魔法水晶，各國群雄不惜發動戰爭，希望能夠取得勝利，而薇爾維特就係其中一個被滅國家嘅公主。
雖然國家被滅，但薇爾維特嘅戰鬥力卻非凡，而身材更係異常出眾。性感嘅裝束不但將佢玲瓏浮凸嘅身材展現出嚟，尤其係半透視嘅上衣，讓佢激凸嘅上圍呼之欲出之餘，更添若隱若現嘅魅力。此外，喺黑色絲襪襯托下，修長嘅美腿更係相當誘人！難怪遊戲早喺二○○七年推出，但至今仍然不乏捧場客。
原型師：Bubba
全高：250mm
售價：¥10,290（約HK$823）
預定發售日：2010年1月