喺女人心目中最正嘅男人，唔係靚仔有型、高大瀟洒或有學識涵養，而係要腰纏萬貫，先至最易得到女士們青睞，故此呢個專為鑽石王老五而設嘅派對，從○四年舉辦至今，每次都吸引到眾多城中單身富豪參加之餘，索女玩家亦唔少。啱啱喺七月舉辦完嘅派對，便破天荒吸引到四百多名玩家到場。

單身慶典

老實講，呢種專為單身富豪而設嘅派對，其實唔係乜嘢新鮮玩意，不外乎講豪、講奢華，以彰顯身份。不過美國呢個鑽石王老五派對，卻有少許唔同，事關佢唔係一個讓男女互溝咁簡單嘅派對，而係包裝成猶如慶典般節目豐富嘅晚會！

據大會負責人Anthony表示，佢哋之所以會將派對以慶典形式舉辦，目的係希望畀到派對玩家一個耳目一新嘅感覺。Anthony話：「一般嘅富豪派對，為咗突出富豪們嘅身家及地位，只會專注喺環境、食物、服務等項目，反而冇留意到派對內容及靚女質素方面。我哋認為富豪唔單止識得搵錢，對玩樂亦有一定要求。故此，我哋特別針對佢哋嘅喜好設計出一個與別不同嘅派對，更豐富節目內容，例如專業艷舞表演，務求讓佢哋體驗到一個別開生面嘅單身派對。而從派對嘅參加人數中，相信我哋已經做到呢點。」

節目精彩

正如Anthony所講嘅一樣，作為一個富豪派對，場地、服務、派對內容、靚女等環節缺一不可。為咗突出富豪們嘅身份，大會每次舉辦派對，都會選取最高級、最大型嘅會所或俱樂部舉行，而會場布置更極盡華麗，不但搵嚟專業嘅場地設計師操刀，更喺場內設計咗一個巨型舞台，讓玩家欣賞至激至挑逗嘅演出。

至於派對內容方面，艷舞表演自然唔少得。為咗讓派對當晚嘅氣氛更為熾熱，大會不惜重金從各大夜總會，請嚟專業嘅艷舞團獻藝，亦搵嚟一班著名四仔女星上台，表演扣人心弦嘅火辣舞蹈。此外，大會更搵嚟雜技好手、魔術師、歌唱家等到場表演助興，名副其實係單身男士嘅慶典！

齋睇當然唔夠吸引，靚女玩伴至係派對嘅重點。為咗讓現場靚女質素有保證，每個參加派對嘅靚女，事前都要先喺網上登記個人資料，或透過熟人介紹，先至可以參加呢個派對，故此入得場嘅，冇一個唔係美艷索女。男嘅有靚女陪玩，女嘅亦可趁機釣金龜，絕對係一舉兩得！

難忘一夜

曾經參加過呢個派對嘅玩家Ricky認為，呢個派對最讓佢印象難忘嘅地方，就係主題非常特別，唔似得一般嘅派對，只係畀個場你盡情溝女咁乏味。就算你抱住玩樂嘅心態嚟到，呢個派對都可以畀到你一個難忘嘅晚上！

Ricky話：「派對嘅氣氛非常好，不論舞蹈表演或雜技項目，都能夠帶動現場觀眾，而靚女質素亦有番咁上下，最重要就係佢哋嚟嘅目的，大家都一清二楚，唔使好似喺酒吧度，長篇大論一輪，然後至入正題。所以不少同行老友好快就搵到個樣靚身材正嘅拍乸，度過纏綿嘅夜晚。」

雖然喺呢個派對度𠝹女話都冇咁易，但想參加呢個鑽石王老五派對嘅話，冇番咁上下身家都唔使旨意。事關男性玩家要喺派對舉辦前，先將約八千美元嘅入場費匯入大會帳戶，而新玩家則要有兩名會員介紹，先至可以報名參加，從而杜絕渾水摸魚嘅玩家，大家玩都玩得開心啲啦。