又係《一騎當千》，今次介紹久違好耐嘅呂布奉先。喺三國故事當中，論武功，呂布比關羽更厲害，但可惜出場冇耐就玩完，而喺《一騎當千》裏面，呂布奉先亦係眾多女生中最好打嘅一個，同樣，出場冇耐就死咗。
由於佢實在太過好打，而且樣子唔錯，冷酷之餘，又不失性感，好多粉絲都唔捨得佢一出場就死。有見及此，生產商將會推出呂布奉先嘅首辦模型，以滿足粉絲嘅慾望。今次搵嚟造型大師鬼山尚丈負責設計，手工精細之餘，更以全新形象登場，冇揸刀揸槍，以性感女僕造型示人，相當可愛迷人。另外，身上條裙可以拆除，只淨下丁字褲，噴血度爆燈。
售價：¥7,665（約HK$627）
達達