部分女性天生分泌量多，對衞生及性生活都會帶嚟不便，同時亦造成好多煩惱，要解決呢個問題，最佳方法當然係尋求醫生協助，但喺性事上，就需要男女雙方配合，方可享受真正嘅性愛樂趣。

減低樂趣

愛液對性事上佔有相當重要嘅地位，若然分泌不足，交歡時就會因摩擦而感到痛楚，導致無法享受真正性愛樂趣，呢種天然嘅潤滑劑固然重要，但分量必須適中，事關分泌過剩，動不動就河水氾濫，反而減低性愛樂趣，搞到男人好似滑水一樣，毫無觸感。

做足前奏

大家都知道，充足前戲能夠促進女性分泌，之不過，對於天生分泌過剩嘅女性嚟講，反而會弄巧反拙。雖然縮短前戲時間可以減少分泌產生，但女性前戲不足，又會影響高潮反應，因而無法得到性滿足，實在唔係上策。

所以，建議大家應該延長前戲，因為愛液再多嘅女性，經過長時間刺激後，敏感部位內嘅腔壁產生疲勞，分泌自然會慢慢減少，呢個時候先至入正題，就唔會影響觸感。當然，呢個方法需要男方主動配合，亦好考耐性，建議事前應多作溝通。

轉換姿勢

除咗前戲方面需要多作留意外，於交歡過程中多轉換姿勢，同樣可以延長做愛時間，令分泌逐漸減少，而且可以利用轉換姿勢期間嘅空檔，清理過多分泌，咁就唔怕變濕地公園啦！不過，各位姊妹要注意一點，就係清理分泌時，力度一定要輕柔一啲，不妨要求男伴幫手，一邊輕抹，一邊愛撫，令熱情不至冷卻，相反令性事變得更有樂趣。