最近登上日本嘅風俗網站，發現咗一間叫做「齒科衞生士」嘅風俗店，明顯就係一間純粹玩護士制服誘惑嘅色情場所。但點解咁多種護士唔揀，係要揀齒科護士嚟做生招牌呢？

搞搞新意

店長博山話：「我哋呢間風俗店，開咗都有十年，一開始已經係玩制服誘惑，囡囡會按客人要求，扮演唔同嘅角色嚟滿足客人需要。但由於係店內服務，所以我哋只能夠提供一般手作仔及口舌服務，其他一概欠奉。」

點解後來又會集中只玩護士誘惑呢？博山續話：「經過三年嘅經驗累積，我哋發覺護士誘惑最能夠帶畀客人滿足感同發揮無限嘅想像空間，所以由○二年開始，就將成間風俗店重新裝修，估唔到自此竟然客似雲來。」

○八年金融風暴之後，博山嘅風俗店，生意開始走下坡，於是又要諗諗新意思，希望重新吸引客人光臨。博山決定落本裝修，兼且加強服務，所有客人嚟到都由囡囡服侍淋浴，仲送埋全身按摩。但普通按摩房欠缺新意，於是博山諗到用牙醫櫈嚟代替傳統嘅按摩床。

靈機一觸

博山話：「其實諗到用牙醫櫈嚟做按摩床，係同我一次整牙經歷有關。嗰陣我煩緊要搞咩新意嚟吸引顧客，點知牙痛發作，於是就走咗去睇牙醫。當我一瞓上張牙醫櫈，頭頂嗰兩盞射燈就射到我眼都花埋，當牙醫開着支檢查工具，嗰陣「吱吱」聲已經令我覺得好唔舒服，全身繃緊，旁邊個女護士見我咁緊張，就細細聲叫我放鬆啲，喺嗰一剎那，我突然有種好High嘅感覺。我不期然幻想，如果呢個女護士可以跪低好好『安慰我』就好喇！結果就畀我靈機一觸，諗到玩齒科護士誘惑。」

博山話佢睇完牙後，就即刻問牙醫一張呢類型嘅牙醫櫈大約要幾錢，點知竟然要成萬蚊美元。博山同老闆商量過後，都覺得「齒護」玩意大有可為，但如果要將成間風俗店內嘅所有房都添置牙醫櫈，成本實在太高，於是佢哋就退而求其次，用外觀上同牙醫櫈好似嘅美容院按摩櫈嚟代替。

更換新血

風俗店重新裝修後，改名做「齒科衞生士」，但開張之後，生意未如預期般理想，原來同班囡囡唔合作有關。博山話原有嘅一班風俗孃，覺得喺按摩櫈上服侍客人比起喺床上困難，而佢哋喺拆佣上又冇特別加多啲錢，所以都表現得唔係好落力。博山最終決定兵行險着，一次過換晒班風俗孃，重新訓練過一班新人。

由於囡囡訓練有素，面孔又夠新，生意好快好轉。一位曾經幫襯過嘅客人江口先生話：「其實當我一睇見囡囡着住件護士制服，已經覺得好興奮，睇住佢擒高擒低咁服侍我，搞到走晒光，真係好過癮。囡囡仲會因應情況將張櫈升高降低，配合唔同嘅姿勢，帶畀我唔同嘅享受，諗起都覺得爽呀！」

為咗吸引多啲客人幫襯，呢間風俗店仲做緊大優惠，三十分鐘只收六千日圓，即係大約港幣五百蚊就有交易，比起一般玩制服誘惑嘅風俗店，差唔多平一半有多，難怪佢哋生意咁好，由朝做到晚啦！