所謂：「人無百日好，花無百日紅」，世間萬物，都離不開「三衰六旺」規律，而相學嘅積極意義，就在於趨吉避凶，找出好運與衰運嘅時段，將好嘅發揚光大，衰嘅損害減到最低。而面相可籠統地分為上中下「三庭」，分別掌管少年、中年同晚年運勢，而每一庭嘅部位，又各司流年運程。
以附圖為例，佢上庭平平，童年、少年冇乜驚喜，家境不好，就要好好讀書，以便將來靠知識改變命運；而下庭薄弱、下巴尖削，晚年一定多病；只有中庭生得好，眼大、鼻長、準頭有肉，三十幾至五十幾歲呢段時間，應該一方面努力賺錢，一方面勤做運動鍛煉身體，咁晚年就會過得較好。
呢種女人，對情慾睇得好淡，對異性要求較高，屬於寧缺毋濫類型，除非條件好啱，否則睬你都傻，所以麻甩佬溝女前，真係要睇清楚，以免浪費彈藥嘛！