脫星叫人唔好隆胸，聽落真係有啲諷刺，之不過Sara Stone笑罵由人，繼續以過來人身份，奉勸女士們千祈咪隆胸！

出現後遺症

Sara話：「我知道好多女人都好討厭我，事關佢哋認為我大胸，所以先至唔想人哋大胸，呢種小人心理我好明白，就係因為我隆過胸，先知道後遺症有幾深，自己試過唔好之後，唔通仲要叫人去做咁冇陰功咩？」

究竟Sara做完隆胸手術後出現乜嘢後遺症，令佢咁後悔呢？阿妹解釋：「後遺症就多囉，好似心口經常都會痛，喺翻風落雨嘅時候仲會痛得犀利啲添。仲有，隆到個胸咁大，好多時行路都唔方便，因為大得滯，想行快兩步都唔得，心口嗰兩舊嘢盪吓盪吓令我覺得好辛苦，惟有慢慢咁行。有見及此，我咪藉住出席婦女團體活動時，同大家分享隆胸後嘅後遺症，希望佢哋唔好步我嘅後塵。」

常維修保養

雖然Sara好後悔隆胸，但係阿妹為咗保養副架生，惟有不停搵整容醫生幫佢維修，而佢表示保養費仲貴過佢嘅片酬，唔止身體受苦，連荷包都要受罪，十分慘情。

Sara話：「大家都清楚，做脫星呢一行，喺拍戲嘅時候，個胸難免會畀對手又搓又摸，摸得多好容易會變形，所以要搵整容醫生幫我嘅心口做定期檢查，咁先可以Keep得住咁完美嘅外形，如果唔係啲觀眾睇我嘅作品時，個胸又大又挺，但睇另一套作品時，雙峰卻下垂，好似漏咗氣嘅氣球，咁就唔好啦！而我諗住搵夠錢之後就引退，唔會再做脫星，兼做拆彈手術，以後都唔再受呢種皮肉之苦！」

Sara Stone's Profile

年齡：31歲

三圍：36DD-26-36

身高：5呎5吋