網上預約

夜店冇生意，造就唔少地下私人會所出現，原因係搞手以私人名義舉行色情活動，執法人員難以察覺。據了解，呢啲私人會所唔係人人都可以入去玩，更需要有密碼先可以入場。

曾經到過呢類私人會所嘅黃生話：「要進入呢啲私人會所玩，就先要喺網上預約，仲要傳上個人資料，過幾日就會收到電郵回覆，當中除咗一啲簡介，更會付上一個或數個密碼作開門之用。呢啲會所為咗掩人耳目，通常會開設喺商業大廈嘅地庫，而你亦唔可能一下子就入去，因為外面通常設有多道閘，需要按密碼才能打開，而且有唔少保安員把守。」

不時轉場

黃生又話，進入會所之後，發現內裏嘅裝修簡陋，但地方相當大，而內裏設施一應俱全，一般骨場應有嘅浴缸、浮床、水床等設備都有。佢又表示，囡囡多數係喺附近夜店返工，雖然以兼職形式喺會所工作，但有時收入比夜店仲要多。

除此之外，呢啲私人會所並唔會長期開放，而且會經常轉換場地，咁做係為咗減少被掃場嘅機會，避免流失客人。

至於玩法方面，場方多數採取九十分鐘任玩制度，埋單大概需要三百蚊人仔左右，雖然比起一般骨場昂貴，但勝在夠安全兼且有一分神秘感，所以吸引唔少蒲友嚟玩。