情趣小玩意

嚟到加連威老道呢間上樓舖，發現有唔少過癮抵死嘅性玩意，梗係要第一時間介紹畀大家啦！呢度嘅貨品種類繁多，部分更非常少見，實在令我Sexyman有啲眼花繚亂嘅感覺。

右邊嘅情趣震動刷，據講用嚟刺激女伴嘅小妹妹，會令佢得到前所未有嘅新享受喎！$157

特設潤滑劑專區，令你更易挑選心頭好。

喺過萬件貨品中，我比較欣賞一款叫做「情趣骰仔」嘅遊戲產品 。玩法非常簡單，擲骰之後，只需根據骰子上嘅詞語，嚟同伴侶進行相關嘅動作或體位，有朋友話試過連擲幾鋪都係齋錫齋摸，搞到佢差啲谷爆咁滯。至於價錢方面，三粒裝為六十蚊，六粒裝為八十八蚊，價錢OK啦！

呢款情趣骰仔，同伴侶玩可增進性趣。$88

情趣內衣、制服款式非常多，而且相當有質素。

除此之外，店內仲有好多外形獨特又少見嘅產品，好似專門喺浴室內使用嘅沐浴綿震動器，橙色圓形嘅外形相當可愛，可以用嚟洗擦全身之餘，亦能夠為男女帶嚟無限快感，一百二十蚊有交易，絕對經濟實惠。

潤滑劑專區

一間貨品齊全嘅性商店，當然唔少得特色潤滑劑，呢度所賣嘅潤滑劑產品，選擇多不勝數。為咗方便客人挑選，店內更設有一個潤滑劑專區，擺放咗數十款知名品牌嘅產品，而且價錢幾蚊起就有交易。

另一方面，情趣內衣、制服嘅選擇亦非常多，部分貨品更由日本進口，價錢由百零蚊起，質素亦有保證，得閒咪去(目及)(目及)囉！

查詢：3583 2029

Sexyman's Profile

為人好色，但數口甚精，為購買女優寫真與情趣用品，經常四出格價，誓要以最Cheap價錢買得最正精品。