1.漁夫文仔天生有股濃烈狐臭，自知氣味難頂嘅佢，竟然無時無刻都喺腋下夾住兩條魚，企圖用魚腥味做掩飾。

2.點知文仔嘅意中人，唔單止唔鍾意狐臭，更唔鍾意魚腥味，見到文仔走近，即刻上車走人，搞到文仔勁失望。

3.估唔到文仔呢種古怪舉動，竟然被人認為可以體現出漁村嘅精神，更為佢鑄造雕像，成為漁村地標！

4.喺剪綵當日，為咗隆重其事，村長更請嚟化妝師為佢裝身，而化妝師聞到文仔嘅體臭，二話不說便幫佢噴止汗劑。

5.點知文仔夾住兩條魚上到台時，腋下兩條魚卻受唔住止汗劑嘅氣味而反肚，搞到文仔同村長勁尷尬！

6.眾村民見狀即時作鳥獸散，唯獨文仔嘅意中人，含情脈脈咁望住文仔。雖然做唔成地標，但抱得美人歸，值得啦！