日本寸金尺土，生活指數又高，雖然當地人嘅人工亦唔低，但係要買間大屋享受充足私人空間絕對唔容易，所以唔少打工仔都只係租個套房居住。呢類套房細細間，而且仲冇浴室，租客如果要沖涼，都要幫襯公眾澡堂。而為咗慳地方，套房內都唔會放太多家具，頂多只有電視、電腦以及茶几等。

另一方面，套房裝修大多簡陋，所以自己於套房活動嘅時候都要格外小心，例如睇電視唔可以大聲，以免騷擾到只係一牆之隔嘅鄰居。正因為咁，好多人都覺得自己冇晒私人空間，因此極之渴望喺其他地方尋得一片私人樂土，而好多DVD租賃店就提供設備齊全嘅包廂滿足佢哋喇！

睇得自在

呢種DVD店包廂可謂麻雀雖小，五臟俱全，包廂內除設有LCD大電視同DVD機外，另有一張大梳化，畀客人躺在柔軟舒適的梳化上，欣賞DVD。如果想再豪華啲，高級包廂內仲有廁所、雪櫃、遊戲機，甚至連按摩椅都有，簡直好似成間屋咁，難怪好多人留喺入面唔捨得走。如果湊多幾個朋友，亦可以齊齊睇碟，更可以拖埋女友一齊入房度過溫馨嘅一晚添。

而上文提及過，喺自住嘅套房內睇電視唔可以太大聲，尤其睇三仔四仔嘅時候，甚至要戴上耳筒，免得嘈親隔籬鄰舍，不過幫襯DVD包廂就盡情炸機都得喇！因為，DVD包廂四面牆實淨兼有隔音效果，所以就算有人喺裏面開大喇叭睇AV，甚至跟埋女優同步大聲呻吟都一樣冇人知！所以，唔少人專程為享受鹹片樂趣而幫襯，令好多DVD店都專攻AV迷市場！

美女陪睇

漸漸地，呢種DVD包廂變成好多麻甩佬嘅「性」地，DVD店除咗普通電影之外，有部分仲主打出租AV畀佢哋欣賞。不過，一個人睇碟又真係好悶，如果有個美女陪吓，同自己一邊傾偈，一邊睇碟就更好喇！而且，睇咁多鹹碟，睇到成個人慾火焚身，如果走去搵風俗孃又怕未出發先熄火，點算呢？冇問題，因為DVD店嘅店員都想搵外快，於是私底下都會幫客人搵囡囡陪睇碟，搵到之後就收番多少回佣。

其實呢一班到會陪睇碟嘅囡囡，一般都係風俗孃，所以服務比較專業，有部分甚至會作特色打扮。例如客人睇緊女僕系列，風俗孃出張嘅時候就會打扮到成個英國女僕咁，等客人覺得好似夢想成真一樣，貼士都會畀多啲啦！

轉型搵銀

可能因為美女陪睇碟滿足到客人嘅需求，所以服務頗受男士歡迎，令不少DVD店實行轉型為風俗店，提供包廂嘅同時，仲擺明提供埋囡囡陪客人入包廂睇碟。從此之後，客人要搵囡囡就更加方便，因為包廂內有電腦，客人可以好似唱K點歌咁睇相揀女，揀啱心水之後再Click佢一Click，該名囡囡等一陣就會蒲頭。當然，轉咗做風俗店，客人同囡囡玩起上嚟就梗係更方便，更明目張膽啦！而且，有咩好得過，可以一邊睇鹹碟，一邊同囡囡模仿戲中情節嚟激戰呢！

另一方面，DVD風俗店嘅包廂入面，都會搞多少新意令客人玩得更盡情。例如裝修方面，有西式豪華Feel，亦有和式住家Feel，配合口味不同嘅客人。此外，書枱亦係好多包廂嘅道具之一，原因好簡單，有張書枱，客人可以扮家庭教師「指導」風俗孃，亦可以由風俗孃扮教師「教導」自己，趣味又提升到另一個層次喇！