27/07/2009

播放本新聞相關短片

世界波:Jenna Presley 爆籮驚魂

美國四仔界競爭激烈,脫星們為求上位,招數可謂無所不用其極,Jenna Presley就係其中一個好例子,除咗隆胸外,更不惜整大個躉,搖身變成四仔界嘅籮霸!

於美國土生土長嘅脫星Jenna Presley,係一位公認靚女,可惜入行後,星運一直平平,佢深明單憑一副美貌好難突圍,於是決定僭建上圍,唔止隆過兩次胸,由原先嘅B Cup升至DD Cup,後嚟仲隆埋Pat Pat添!

反應奇佳

隆胸大家就聽得多,但係隆籮就真係好少聽。但原來喺美國四仔界隆籮嘅脫星大有人在,為咗令身材更加玲瓏浮凸,前前後後都咁堅挺,加上佢哋認為巨躉容易挑起觀眾嘅性慾,着埋條T-Back,簡直令麻甩佬欲罷不能!

而Jenna為咗事業更上一層樓,決定隆到個Pat Pat又圓又大,塑造完美S身形。當Jenna完成僭建工程後,身材有前有後,變成一個齊晒架生嘅超級脫星,索到不得了,令阿妹信心返晒嚟!四仔迷睇見就更加唔使講,一致力撐阿妹正到痹,甚至有想同阿妹執劑嘅衝動。有咁多人撐,當然人氣急升,各大四仔商紛紛招攬Jenna為旗下脫星,片約不斷,喺短短三個月內,阿妹已大大小小拍咗五部四仔,真係豬籠入水。

出現劇痛

雖然Jenna名利雙收,但風光背後,其實有苦自己知,始終僭建都有一定風險,阿妹最怕就係爆籮危機。佢話:「我真係好擔心個Pat Pat有日會承受唔住,突然間爆咗,咁我就乜都玩完嘞!」

估唔到就喺半年前,Jenna發覺每當坐低時Pat Pat就出現劇痛,瞓覺時更加痛到有如畀針拮,阿妹即時走去檢查,結果發現其中一個僭建物爆咗,原因好大可能係拍情慾戲時,動作太激烈所致,如果唔盡快做手術取出僭建物嘅話,後果會不堪設想。Jenna聽到呢個消息,簡直晴天霹靂,毫不考慮就答應醫生建議,決定做「拆躉」手術。但Jenna坦言,當復原之後,一定會再做一個又圓又大嘅巨躉同大家見面喎。

Jenna Presley Profile

年齡:24歲

三圍:36DD-24-34

身高:5呎6吋