前晚我雞蟲熹約咗骨女K食消夜，佢話近日有唔少骨女又再開始行回佣制，其實呢樣嘢根本就係公開秘密，十個經理有一半以上都有收骨女錢，冇事冇幹就冇人提起啫，只不過近期情況愈嚟愈嚴重，谷到K眼火爆。
一直以嚟，經理要骨女畀錢先至會肯額外推介客人畀佢哋做，由於骨女整日坐喺房內，出面有幾多客人，同埋客人究竟Mark邊個囡囡，骨女根本無從得知。就算有客人點名要某位骨女，經理亦可以訛稱女方唔得閒，甚至無開工，然後推介另一個囡囡，所以好多骨女為咗搵食，畀人屈錢都無可奈何。
但K話，家陣除咗畀經理屈錢之外，連水池及更衣室員工，亦要定期畀錢巴結佢哋，事關客人鍾意向佢哋索料。
唉！聽完K呻完之後我都愛莫能助，所謂利之所在，呢一股風氣好難杜絕，總之骨女始終係被剝削嘅一群！
雞蟲熹簡介
才二十五歲已經係色慾市既色途老馬，座右銘係唔食飯都要去滾。
歡迎讀者爆料交流
爆料熱線：3600 6688
傳真：3600 6800
地址：香港大埔工業邨大昌街23號東方報業中心
電郵：happy.sup@org.com.hk