27/07/2009

播放本新聞相關短片

網上欺凌

自從網上討論區興起,我們便突然發現了好多好多的夜遊黑店,尤其是深圳的,這邊廂被人捧到再好,那邊廂也可以在另一帖以黑店來鞭撻,呃錢、Black List、乜間嘢仲有人去之類的留言簡直是前仆後繼。連大量可能未去過這家店的人都趁機走出來抽抽水:「Thank for sharing」、「杯葛黑店」……

這樣的深圳黑店,我認識好幾家,都是邪骨場。有些是前身的管理層的確有問題,如囡囡一聽客人唔做大餐只起機會黑面呀、做完服務未夠鐘一樣拜拜呀:「但呢啲已經係成年前嘅事,我哋都接咗手咁耐啦,管理班底換晒、舊嗰班囡囡走晒,我哋完全知以前班人衰咩,早就針對性作出改善,網上嗰班,根本就係打手。」黑店A的負責人如此說。

前人種因,影響至今還可以說。有些場,卻無厘頭被網民列成黑店,如指某某女有病、鬧鬼、被掃等等……「可能係惡作劇、可能係同行眼紅你搞搞震、亦可能係場中有人得罪咗客,所以上網唱衰你!」

個人認為,這也是網上欺凌的一種。