今年已經三十三歲嘅脫星Dora Venter，仍然可以喺四仔界屹立不倒，除咗係身材多年嚟都Keep得好Fit之外，佢仲係扮嘢高手，可以話扮乜似乜，所以佢除咗拍四仔同出寫真外，仲有機會走埠登台賺大錢。
問到Dora點解咁鍾意扮鬼扮馬，佢就話：「其實我細個嘅時候性格內向，對於表演一啲都冇興趣，但後嚟誤打誤撞加入咗四仔界，由於競爭實在太大，做脫星除咗要樣靚身材好之外，仲要有演技，當時我諗模仿別人演出應該最容易，於是咪有樣學樣囉。」
Dora喺模仿演出上，除咗下過唔少苦功之外，相信佢本身亦都有啲天分，佢可以將當中嘅神韻，維妙維肖咁演繹出嚟，令人拍案叫絕，捧腹大笑，特別係扮演藝界嘅名人同埋政治人物，更係傳神，所以唔少夜總會都邀請佢表演，逗觀眾開心。喺Dora嘅專屬網頁裏面，就有好多佢扮鬼扮馬嘅造型，而網友問佢最喜歡扮邊個名人？佢話係瑪麗蓮夢露，難怪佢嘅網站首頁以一身瑪麗蓮夢露嘅造型示人啦！
Dora Venter's Profile
年齡：33歲
三圍：34C-23-33
身高：5呎5吋