登上東京嘅風俗網站，就可以搵到「茶茶姬」風俗店嘅網頁，唔知內情嘅朋友，可能會以為佢係浴室之類嘅風俗店，但當你登入之後，就會發現此店玩法好特別。

創新意念

於風俗網站任職記者嘅秀村話：「呢間風俗店喺未改名之前，只係一間玩制服誘惑嘅普通風俗店，但近年生意一直麻麻，後嚟聽聞換咗老闆，新老闆接手之後，馬上進行大改革，最初我仲以為佢會唔玩制服，改玩其他主題，點知老闆就笑笑口話會繼續做番制服誘惑，但形式會有少許唔同。」

據秀村先生表示，新老闆話做任何生意，都要畀到客人新鮮感，而普通玩學生、護士等制服誘惑嘅風俗店，喺日本閒閒哋有過千間，要突圍而出，就一定要創新。而新老闆所謂嘅創新，竟然係將日本嘅傳統茶道，融入風俗服務當中。

學習茶道

秀村續話：「對於老闆呢個意念，我都覺得幾創新㗎，至少以前冇聽聞過。聽老闆講，佢喺店舖重新裝修期間，仲帶咗成班囡囡去浸溫泉，順便搵茶道師教佢哋泡茶嘅基本技巧，雖然唔算係正宗茶道，但呢套簡易版泡出嚟嘅茶都叫做似模似樣，初步都叫做幾成功。」

店舖裝修好後，老闆就將囡囡嚟個大變身，要佢哋全部換上和服扮茶姬。而店內嘅房間，亦設計成傳統榻榻米般，當囡囡入房之後，就要為客人即場煮茶，當客人品嘗過後，先正式開始服務。而喺囡囡泡茶期間，客人可以隨意滿足手足之慾，有囡囡甚至會不經意咁撩開衣領或下襬，製造春光乍洩嘅挑逗效果添。

挑起慾火

對於風俗店嘅新主題，其中一位幫襯過嘅平津先生就話：「以前我嚟幫襯，通常都係玩護士與病人遊戲，玩一玩角色扮演就正式開始進入正題。但依家就好唔同，喺和式茶室內，聽住輕柔嘅古琴音樂，煩躁同慾念竟然一掃而空，但當囡囡為我奉完茶後，再自動解開和服，投懷送抱，又再將我嘅慾念重新燃點，嗰種落差嘅感覺，令我覺得好特別。而且完成服務後，身心都有種叉足電嘅感覺，成個人都精神晒。」

據講自從轉換形式後，風俗店嘅生意愈來愈好。原來當初老闆之所以諗到呢個概念，完全係因為某次老闆去浸溫泉，喺溫泉旅館內，親身品嘗過老闆娘所泡嘅茶後，竟然生出好想將老闆娘佔有嘅念頭，到最後雖然唔成功，但就令佢靈機一觸，諗到用茶姬嚟做主題，老闆咁有生意頭腦，抵佢發嘅。