舞男公司嘅負責人阿Tom，睇準呢班女強人嘅巿場，於是早喺半年前已經開始招兵買馬，以提升旗下舞男實力，準備搶攻呢批有錢又寂寞嘅中女。不過佢就發現雖然有供有求，但卻欠缺一個畀雙方交易嘅平台，事關以往佢都會安排囝囝喺鴨吧或派對駐場，方便溝客，但呢班女強人根本就好少去呢啲地方玩。

秘密安全

阿Tom話：「以前我會派舞男落鴨吧或者狂野派對兜生意，希望漁翁撒網，撈到啲客。但今次我想針對嘅係女強人，佢哋因為身份關係，好少會落吧或者去狂野派對，唯一可以接觸佢哋嘅方法，就係啲十零人參加嘅小型狂歡派對。」

其實阿Tom手上都有唔少呢類女強人客仔，佢哋由於怕畀人撞到，所以每次搵舞男相陪，都要喺大酒店秘密進行。後嚟有客人認為酒店都唔夠安全，於是就叫阿Tom諗諗辦法，咁啱佢女友係做地產嘅，手上有批待售豪宅冇人買，於是就同業主商量，以日租形式租畀佢哋開派對。

但一個人租一間豪宅，成本太貴唔划算，於是阿Tom就提議客人不如約埋幾個朋友一齊夾份租嚟開Party，到時一次過Call多幾個舞男嚟，多啲人熱鬧啲仲好玩。

全包價服務

阿Tom話：「其實租一間豪宅搞周末派對，大約二千五至三千美元左右，屋內通常有幾間房，喺客廳開完集體Party後，就可以同心儀囝囝返房玩，而且喺私人地方，完全唔使擔心會撞到唔想見嘅人，所以好多客人聽到呢個提議後都表示贊同。我哋提供一個全包價收費，除咗酒水、食物、豪宅外，另按人頭包每人一位猛男，如要安排多幾個舞男陪玩，則另外逐個再收費。」

阿Tom話，以一個五人派對計，每次大約收費八千至一萬美元不等，費用已經包括來回接送、豪華大宅一晚住宿、佳餚美酒、同埋有五位舞男廿四小時貼身服務，對於呢班高薪厚職嘅女強人嚟講，簡直係濕濕碎，所以服務推出以來深受客人歡迎。

徹夜激戰

其中一位參加過豪宅派對嘅客人Celia，本身係一間金融機構嘅人事部主管，佢話：「第一次參加係跟朋友去玩，佢起初只係話我聽有朋友搞咗個派對，有超多靚仔，我以為係普通交友派對，所以就跟佢去玩，點知後來先知道係中女狂歡Party。」

Celia續話：「我同朋友去到約定地點，就有架豪華七人車嚟接我哋，之後車咗我哋去一間豪宅，入去後，我發現裏面已經坐咗三個女人，佢哋都係大公司嘅高層，年齡同我差唔多，都係三十幾歲。之後大家上樓分配房間，我揀咗間向泳池嘅房，發現已經有幾個靚仔喺泳池度曬太陽，於是我即刻換泳衣落去。其中一個靚仔主動埋嚟撩我傾偈，由佢嘅言行舉止，我估到佢唔係普通人，應該係受過訓練嘅高級舞男。佢主動幫我搽太陽油，仲問我肚唔肚餓，然後喺泳池邊嘅自助燒烤區夾咗啲嘢畀我食。佢好Gentleman，當正我好似女朋友咁照顧，令我覺得好Sweet好開心。喺之後嘅狂歡派對，我都繼續揀佢做Partner，當晚我哋激戰咗好多個回合，我已經好耐都冇試過咁開心喇！後來我問番朋友，玩一次呢啲私人狂歡派對，每人都只係夾番千幾二千蚊，一啲都唔貴，我已經約佢哋下個月再嚟一次。」

阿Tom話，其實Celia已經算做比較保守嘅客人，佢話有唔少客人情到濃時，會喺泳池邊或者草地激戰，好似佢呢類平時只顧工作嘅女強人，一有機會放縱狂歡就會玩到盡，要做佢哋生意，真係一啲都唔難架！