27/06/2009

播放本新聞相關短片

巨乳梅娜絲又嚟啦

又嚟啦!又嚟啦!記得四月至推出佢嘅側踢首辦,三個月後,生產商又推出佢嘅全新造型首辦,真係密到你唔信,邊個咁巴閉?咪係《女王之刃》裏面嘅古代公主梅娜絲囉!

原來梅娜絲嘅首辦喺日本賣得不知幾咁火熱,每一次推出就賣到斷晒巿,生產商見反應咁好,除咗加推之外,索性隔幾個月又出一個新款,等佢啲首辦迷不斷追新貨,至於點解啲首辦迷咁迷梅娜絲呢?無他嘅,鬼叫阿女嘅身材勁到爆晒燈咩!

據資料顯示,梅娜絲擁有足足成36吋巨乳,加上佢套埃及聖女裝,胸部只得塊金頸飾掩住,完全遮蓋唔到佢嘅驕人身材,經常走光,自然啱晒愛好性感首辦嘅朋友;至於另一個優點,就係故事中梅娜絲嘅性格十分討好,粉絲數目自然不斷上升啦!

今次首辦嘅主要服裝都係嗰套埃及聖女裝,動作以站立為主,將身材表露無遺,最搞嘢係佢條比堅尼小底底,以藍白間條,凸顯少女味道,威嚴中帶點可愛,暫定七月推出,粉絲點可以錯過?

售價:¥8,190(約HK$656.5)

達達