好夢正酣嘅時候，如果突然畀人嘈醒，通常都會令人勁忟憎。而惡劣嘅心情，更會令人成朝都冇心機做嘢！好似今次片中嘅女主角妍女咁，本來發緊同情郎相會嘅美夢，點知就畀人嘈醒，即刻火都嚟！
1.畫面一開始，就見到妍女好開心咁，喺夕陽下嘅海灘奔跑。睇佢笑得咁開懷，心情應該勁靚！
2.原來妍女見到一個着白衫白褲嘅型男，唔怪之得佢笑得咁開心啦！型男不但對住妍女微笑，仲朝妍女方向跑去。
3.兩人肉緊到你手牽我手，當然唔少得激吻一番。只見佢哋好陶醉咁，喺海灘之上卿卿我我，真係羨煞旁人！
4.正當兩人沉醉喺浪漫嘅氣氛之際，喺兩人中間突然出現咗一個修路工人，而鑿地機更係隆隆作響，乜咁掃興呀！
5.呢個時候妍女至發覺，頭先只不過係發夢，而隆隆嘅噪音原來係佢老公嘅鼻鼾聲，真係好夢成空！