原來呢啲射擊公園，有唔少都會為單身人士安排「美女導射」服務，就係由靚女陪你玩野外射擊。而所謂嘅「野外射擊」，真係單純玩吓燒槍同BB彈射擊，絕對冇色情成分架。喺公園嘅樹林內，沿途安排咗好多人形靶，你可以邊行邊射，而靚女會幫你計時同計分。如果自問射擊技術了得，仲可以挑戰呢啲女導射，佢哋啲槍法都有番咁上下。雖然孤男寡女喺林中野戰，但奉勸大家咪多手多腳，否則後果自負，而且沿途設有唔少閉路電視，唔想出醜就千祈咪搞搞震。

呢啲女導射因為受聘於公園，所以喺射擊公園內自然要守規矩，不過客人可以私下約佢哋出去玩，只要傾掂價錢，想有下文唔係冇可能嘅！

收費：400泰銖

（約HK$90）

注意事項：啲女導射大部分都係附近村落嘅村姑客串，每陪一個客，就拆一份佣，當然數目有限，所以佢哋好多都肯陪客出去玩。但佢哋唔會跟你返市區，只可以喺附近嘅旅館仔短敍。