家陣經濟唔好，不但內地桑拿生意難做，本地亦唔見得好，最近有桑拿經理同我雞蟲熹講，話佢哋間場為咗生存，不斷諗計吸引客人，好似早輪大減價同推出優惠積分作招徠之外，最近強調「大餐」服務質素方面作全面提升。
經理話：「以往啲玩家最常投訴骨場囡囡唔識揼骨，而且完事後就即刻走人，依家公司就硬性規定，開完大餐後，囡囡一定要喺房留到夠鐘先走得，而且除非個客人話唔需要揼骨，否則必須要同客人按摩，我哋已經加強咗囡囡呢方面嘅培訓，個市咁差，當然乜都要執正啲！」雖然經理講到實牙實齒，但我雞蟲熹就問過啲囡囡，佢哋都話呢個方法唔Work，其中囡囡C就話：「喺場度連搵個客望吓都冇，搵鬼揼咩？」難怪囡囡一致認同都係減價最實際！
雞蟲熹簡介
才二十五歲已經係色慾市既色途老馬，座右銘係唔食飯都要去滾。
歡迎讀者爆料交流
爆料熱線：3600 6688
傳真：3600 6800
地址：香港大埔工業邨大昌街23號東方報業中心
電郵：happy.sup@org.com.hk