早前內地有報道，指有外貿公司設立陪酒員呢個職位。佢哋平時唔使返工，係公司嘅隱形職員，但當有客人嚟到時，佢哋便會現身陪酒。既然肩負同客人聯誼嘅工作，呢啲陪酒員一般都係樣靚身材正嘅火辣女郎，讓客人玩得盡興之餘，生意都易傾啲。

專職陪酒

阿峰作為一間外貿公司嘅職員，經常陪同客戶到內地出差。話說最近佢同客戶到貴陽出差。因為第一次同當地公司合作，故此辦完公事後，對方便邀請阿峰等人到酒吧消遣。呢啲酒宴對阿峰呢類熟知內地營商習慣嘅人嚟講，可謂見怪不怪，但今次情況卻有啲特別。

阿峰回憶道：「話說我哋眾人去到一間位於南明區嘅大型酒吧，而對方早喺酒吧訂咗個包廂。點知當我哋入到去後，卻發現包廂坐咗幾個樣貌及身材俱佳嘅性感女郎。起初以為佢哋係酒吧嘅陪酒，點知靚女自我介紹嘅時候，至知佢哋係對方公司專屬嘅『陪酒員』！」

陪酒員嘅職責唔係傾生意，主要係陪伴客人飲酒作樂，有時仲會負責搞氣氛，讓客戶能夠喺開心嘅情況下玩番晚。此外，陪酒員另一個作用，就係為免公司職員因為應酬而醉酒，影響到第二日嘅工作，故此勸酒同飲酒嘅工作，便由陪酒員代勞。

熱情如火

「有人可能以為既然係咁，點解唔到夜總會搵小姐陪玩呢？據對方公司職員表示，夜總會嘅小姐未必識得應酬，反而有可能因此而影響公司形象，而呢班陪酒員經過精挑細選，並經過一定訓練，應付公關工作便最適合不過。」阿峰道。

事實上呢班陪酒員年齡一般年約二十至二十五歲左右，身材高挑之餘，樣貌亦一啲都唔比模特兒輸蝕，最重要就係佢哋相當識得交際，熱情如火嘅性格，讓客戶有賓至如歸嘅感覺。阿峰笑道：「佢哋真係好識得搞氣氛。當晚開始時，其實我嘅表現比較拘謹，呢個時候，其中一個陪酒員便提議我哋猜枚、鬥酒，唔使一陣氣氛便熱鬧起嚟。不過最讓我嘆為觀止嘅，卻係陪酒員非凡嘅酒量，連飲幾杯白酒仍然面不改容！」

不過最讓阿峰興奮嘅，卻係陪酒員熱情嘅表現，每次當有人輸咗嘅時候，陪酒員都會送上香吻作為鼓勵。

主動親熱

眾人一直瘋狂玩樂到半夜，其中一個叫小筱嘅陪酒員，負責送阿峰返酒店。以為小筱只係送到酒店大堂，點知對方卻送埋佢入房。雖然阿峰對小筱有好感，但礙於小筱係對方公司職員嘅關係，始終唔敢輕舉妄動，只係同佢拖吓手仔。

呢個時候，小筱竟然問阿峰係咪鍾意佢！阿峰點頭後，小筱便動手剝衫。阿峰就話：「我問小筱咁做嘅話，會唔會唔係咁好，點知小筱笑稱，佢嘅工作除咗陪客戶消遣外，有需要時仲會陪客戶過夜。如果佢拒絕客戶要求嘅話，反而會被公司責難！」既然如此，阿峰亦唔客氣，同小筱共赴巫山。

激情過後，阿峰忍唔住問小筱，點解會做呢份工。原來小筱雖然係對方公司嘅陪酒員，但嚴格嚟講只係兼職性質，而佢嘅正職卻係高級會所嘅女公關。有公司需要陪酒員嘅時候，便會打電話畀會所，讓佢哋安排公關充當陪酒員。除非公司有特別要求，否則佢哋一般只係會陪客人飲酒作樂。此外，據小筱表示，所有陪酒員嘅陪客費同過夜費，都係由公司支付。不過阿峰事後補充：「呢種企業聯誼嘅方法雖然新鮮，但以呢種酒肉形式嘅做法嚟博取客戶歡心，卻相當值得深思。」

聘請要求奇特

內地不少公司對於求職者嘅要求都非常古怪，好似有貿易公司聘請女文員，竟然要求對方身高一米七五以上，最好具有氣質，並且酒量甚佳，更甚者仲會列明三圍數字要求，唔符合標準者一概免問。心水清嘅朋友當然知道呢啲公司聘請女文員，一定係另有企圖啦！