眉毛代表感情，又濃又長嘅人特別重情義，對舊情人念念不忘；相反眉毛短嘅男人比較絕情，或者說在感情方面比較不會念舊，如果配埋鬈髮，呢種人就係貪淫好色之徒，所以當男人兩項特徵都有嘅時候，就代表佢只為咗肉體關係至同你交往。
眉毛短而亂，加埋口唇四周有痣嘅話，呢種人壞習慣好多，吃、喝、嫖、賭，無一不歡，總之就係壞事都會沾上邊，認真要小心；如果再配薄唇，咁就係個見利忘義嘅人，利益一到手，就會逃之夭夭。
有古相書講，眉毛短最容易令妻子傷心，因為佢係一個唔念舊嘅男人，加上性格又浮躁、又放蕩，無法滿足妻子心理同生理嘅需要，如果再加埋鬈髮、眉毛亂或者唇薄，咁嘅男人真係執到都喊三聲，畀你都唔好要！
達達