之前同大家講過鼻樑有節嘅囡囡，今日就同大家講吓鼻樑有節嘅男人。擁有「羅馬鼻」嘅男人性格十分剛烈，做事獨立、積極、有衝勁，自信心爆棚，決定咗嘅事，冇人可以動搖，唔易受人擺布，脾氣有時都幾臭吓，但事業運好好，經常做出好成績！
但由於太過主觀，做人處事會有啲剛愎自用，與人相處比較難同人溝通，唔會聽人嘅意見，就算自己嘅伴侶亦唔例外，有時仲牛脾氣到唔理任何人嘅感受，所以做佢嘅太太會十分受氣，性格要好就得人至可以相處落去，否則只會離異收場。
而鼻樑有節，又介乎中年三十五至四十歲之間，事業或婚姻會出現重大問題，嚴重嘅會一夜間失去所有，當然，仲要睇其他五官是否配合，如果相襯得好，咁可能問題只係小風波。最後，咪以為呢類人脾氣臭冇女人運，相反佢哋好受女性歡迎，做佢哋太太認真要小心。