虛擬視像投影器可以讓戴咗呢套器材嘅人，好似身處像真度極高嘅虛擬空間咁。雖然唔係乜嘢新科技，但如果呢種科技可以普及嘅話，相信可以令不少人受惠，尤其係麻甩佬，但就可能從此沉迷於虛擬世界，返唔到轉頭！
鏡頭一開始，就見到兩個電子工程師坐喺控制台前，原來佢哋喺度研究緊新型虛擬視像投影器。
為咗驗證呢部機嘅可行性，佢哋搵咗個人嚟做試驗。主管入到嚟見到做實驗嘅文仔咁興奮，便問實驗人員播緊啲乜畀佢睇。
原來為咗讓文仔更為投入，工程師竟然虛擬咗個滿布靚女嘅海灘，等佢可以同班虛擬女郎一齊玩。
估唔到文仔玩得勁投入之餘，仲話非常過癮，就算工程師同佢講實驗已經做完，佢都唔捨得除咗部機！
主管見狀怒說：﹁既然佢咁想玩，就等佢玩到死為止，順便研究埋部機嘅耐用度！﹂唔通真係要玩到佢死先可以停止實驗？