近年，政府有意將香港打造成經貿展覽之都，希望藉此吸引商務旅客訪港，惠及零售服務業界同旅遊業界，所以幾乎一年三百六十五日，大家都可以見到各種不同類型嘅展覽會，當中嘅美食博覽更加令香港市民為之瘋狂。不過，我覺得講到展覽形式，香港始終唔夠外國咁多諗頭。

最新資訊

大家唔好彈我崇洋，其他嘅唔講，就講外國嘅情趣用品博覽，真係波濤「胸」湧引人入「性」！喺下個月五至六號，英國伯明翰亦有一個大型情趣用品博覽舉行，名為「Erotic Trade Only Show」（簡稱ETO），展示手法精彩又夠Fun，而且仲有好多索女通場飛添！雖然，ETO寫明係Trade Only，即係純粹經商，但係為咗促銷同宣傳，一樣會開放畀好色之士，普羅大眾都照樣可以參加，享受一個「色」彩繽紛嘅情趣用品博覽。

ETO雖然唔可以稱得上係全世界最大型嘅情趣用品博覽，但係規模絕對唔小，因為單計參展嘅情趣用品商已經有超過八十個品牌，而且大部分仲係世界知名嘅大廠，有咁多又咁響嘅品牌撐場，一定多嘢睇啦！另一方面，因為有咁多大品牌參與，各品牌為免失威，都會將自己最得意、最夠照嘅新產品放於檔口之內，就好似賣到行晒嘅吹氣合歡椅就係某間廠於上年ETO中展出。此床設計簡約，但係功能齊全，因此得到好多買手垂青，行銷全球各地。有此前車可鑑，今年ETO亦預料會有好多最新產品展銷，入場人士一定大飽眼福，兼可以搜羅最新情趣用品資訊。

尋找商機

每個檔口都有最新最勁嘅情趣用品展銷，入場人士當然可以睇到目不暇給啦，甚至會忍唔住手想買番一兩件返屋企同老婆玩吓。咁就啱晒喇，事實上不少廠商除咗會將新產品以特價方式發售之外，倉底積存嘅舊一批產品亦一樣會割價傾銷，去逛一圈真係好易滿載而歸！

場內甚至有劃出一個區域作散貨之用，入面有一堆又一堆嘅情趣用品，想掃貨嘅朋友大可以推住手推車，好似逛超市咁入內選購心儀產品。另一方面，由於家陣消費市道疲弱，生意愈來愈難做，因此以往會將普羅大眾拒諸門外嘅ETO除咗開放予公眾人士之外，廠商們為咗增加生意額，仲會同買手以外嘅入場人士洽商，傾吓可唔可以合作。因為現時有好多人都興將貨品放上網賣，而且支持者唔少，相信會有一番作為。

索女試身

要令產品大賣，除咗設計精美外，功能一絕當然亦係必要條件，但係家陣嘅消費者一般都要計過先會畀錢，所以一定要搵個有口才兼生得靚嘅推銷員嚟吸引消費者，咁先可以大大增加其使錢機會。正因為呢個原因，參與ETO嘅廠商亦不遺餘力，一於重金禮聘身材同樣貌都索得交關嘅女推銷員大力促銷。而呢班女推銷員雖然未必受過正統推銷訓練，但係佢哋身材激凸，絕不介意騷胸露背作性感打扮作招來。

咁都未算，因為佢哋仲會本住以客為尊嘅精神盡量滿足一班客仔。點樣滿足法呢？例如銷售情趣內衣嘅女推銷員，會因應客仔嘅要求，以自己嘅姣好胴體試着不同嘅情趣內衣，你知啦，呢類內衣設計得鬼咁少布，而且顏色艷麗，女推銷員做模特兒試着，仲會喺你面前大擺誘人姿勢，都咪話唔刺激呀！此外，女推銷員亦會幫大家試用情趣用品，不過就唔係即刻除晒衫試，只係作狀試用，不過都一樣好有可觀性，做到咁嚟推銷產品，想唔旺場都唔得啦！