只要一張學生證喺身，搭車、唱K、食飯都有優惠，家吓連去滾都可以半價添！各位唔好誤會，我雞蟲熹冇心鼓吹學生哥去尋花問柳，只係睇唔過眼一個鳳姐，竟然好無恥咁推出學生優惠，凡持有學生證者，於嫖妓前出示，肉金一律減半，以平均市價計算，鳳姐收四百蚊一次，咁學生哥兩舊水就玩到，難怪近年有報道指唔少學生哥上鳳樓玩樂，而且大部分都係未夠秤添！
收到呢單料嗰陣，我雞蟲熹真係好嬲，覺得嗰位鳳姐嘅做生意手法極度唔負責任，首先學生哥嘅心智尚未成熟，鳳姐提供半價優惠，好易灌輸錯誤性觀念畀學生，令佢哋誤以為性係好平常嘅事，畀錢就買得到，變相鼓吹佢哋濫交，今日試完深水埗，聽日就隨時過銅鑼灣洗樓再歎過，鳳姐咁做間接將性行為年齡推前，並唔係一件好事。而學生哥嘅錢九成嚟自父母，難道鳳姐又會賺得安樂？雖然我雞蟲熹唔係正人君子，亦明白家吓鳳姐生意難撈，但係懇請佢哋盡點公民責任，唔好打班學生哥主意。
雞蟲熹簡介
才二十五歲已經係色慾市既色途老馬，座右銘係唔食飯都要去滾。
歡迎讀者爆料交流
爆料熱線：3600 6688
傳真：3600 6800
地址：香港大埔工業邨大昌街23號東方報業中心
電郵：happy.sup@org.com.hk