一應俱全

呢間地舖開喺加連威老道附近，喺某酒店後面，嗰度因為係遊客區嘅關係，附近一帶商舖賣嘅嘢都比較貴，但呢間性商店卻剛好相反，主打平價路線。呢度嘅情趣用品，可以話係包羅萬有，由最古老嘅羊眼圈到現代高科技自慰器都一應俱全，而且靚女售貨員仲熱情好客，每件用品都會為客人細心講解，搞到我都忍唔住買咗幾件返屋企看門口。

呢四盒好似果汁嘅物體，其實係香味安全套，每盒有三個，一晚開一盒夠晒啦！各$29	呢款超薄冰涼安全套，一套上火熱鋼棒上，即時有種冰涼感覺，令你忍唔住縮一縮，感覺特別。	呢個貝殼形自慰器，內有一支三吋長「瑤柱」，備有十種力度調校，認真搞嘢。$280

瑤柱形自慰器

講到我Sexyman嘅心水推介，一定係最啱送畀女友嘅性感內衣，價錢由百零蚊到幾百蚊都有，有啲係要嚟送畀人得啖笑嘅，但更多款式好啱實戰用，令情趣大增！另外，店內陳列咗大量自慰器同安全套，款式繁多，大小、長短、有線、無線，真係睇到眼花繚亂。

其中一款女士用嘅貝殼形自慰器，外面成隻貝殼咁，裏面仲有一支三吋長嘅「瑤柱」，一開動條瑤柱真係會搖，仲有五度頻率同十種力度調校，鬼馬之餘又實用，另外仲有好多整蠱人嘅玩意同埋鹹趣擺設，價錢相宜，值得一看。

查詢：2723 8299

Sexyman's Profile

為人好色，但數口甚精，為購買女優寫真與情趣用品，經常四出格價，誓要以最Cheap價錢買得最正精品。