家陣經濟不景，各行各業都大吐苦水，作為打工仔好多都前景未明。當然，遇到呢種經濟困境，大家梗係要一邊努力工作，一邊增值，加強實力啦！不過局勢不穩，又真係好令大家擔心嘅。相信有好多人都會專程去求神問卜，睇吓自己有冇運行，有冇機會改善生活。

然而，占卜嘅方法有好多種，有求籤、紫微斗數、塔羅牌等等，求到之後，再由師傅憑經驗，再加上古籍為大家解釋占卜結果，不過就遠遠唔夠日本新潟嘅呢種占卜方法特別喇！因為占卜師所用嘅工具，正係其嬌美胴體！

極具情調

最近，有消息指出，日本新潟縣有一位化名遠野嘅神秘女占卜師，於某大廈開設占卜店。要見占卜師一面，客人一定要係男性，而且仲必定要提早一星期用電話預約。雖然要搵佢占卜好麻煩，但係就極受男士歡迎，無他嘅，因為佢幫人占卜嘅方法夠特別囉！

香港嘅占卜師傅好多都係喺街頭擺檔，檔口最多都係放一張枱，三、兩張座椅，枱面則放一、兩樣占卜道具，咁就可以即席為客人占卜。不過日本嘅占卜師則有少少分別，因為佢哋大部分都將檔口搬到樓上舖做生意，神秘女占卜師遠野呢間占卜店亦唔例外。然而佢間舖頭就比其他占卜店更為神秘，正確嚟講應該係誘人先啱！

客人一入到去，就會發現內裏燈光昏暗，感覺好似一間架步！唔單止係格局似，內裏仲播放好多曖曖昧昧嘅誘人音樂，更加可以聞到一陣又一陣據說有催情作用嘅玫瑰香薰，一入去就覺得身心舒暢，情緒得以紓緩，仲感受到自己嘅慾火無聲無息咁穩步上揚，猶如置身於色情場所一般，對於唔知情嘅朋友嚟講，一定會滿腦子疑問：「我嚟占卜啫！點解好似去咗架步咁嘅？」

潔淨身體

雖然滿腦疑問，但係一場嚟到，梗係見埋女占卜師先走啦！不過，要遠野接見，就麻煩先去沖涼房清潔一下先。占卜店嘅女助手會將客人帶到沖涼房，叫客人將身體上上下下、裏裏外外都清潔一次，女助手表示咁樣可以令人身心放鬆，同時潔淨身心，一陣占卜就會更加準確。徹底清潔完之後，女助手就會帶客人進見占卜師遠野。

據曾經幫襯過嘅男士話，遠野係一個年約四十歲嘅女人，身材豐滿，個樣亦風韻猶存，成熟之餘仲帶有幾分女人味，算係嗒得杯落。見到遠野，客人就可以問一切想知道嘅事情，例如：「我幾時發達？」或者「我幾時娶老婆」之類都可以。而遠野則會要求客人除咗條褲，然後由佢用玉手幫客人細心檢查一番。面對遠野咁細意嘅撫弄，正常男人都一定會產生生理反應啦！咁就啱喇！因為有反應，遠野至會有靈感，咁先可以占卜到客人想知嘅答案！

磨出靈感

嚟到呢個階段，遠野都只能為客人預測出極為初步嘅答案，之不過，係人都貪心啦！所以一定會要求更深入更詳盡嘅解釋。然而，呢個時候，遠野就會要求客人作進一步行動，用手同口幫佢服務一下，聲稱有助佢產生更強靈感。而面對頗具姿色嘅女占卜師，再加上早前已經畀佢雙手肆意挑逗，好多人已經把持不住，照遠野嘅說話行事。

熱身過後，靈感又再增強，遠野又會再感應出詳細多少少嘅資料。不過，此時此刻，大家都已經慾火高漲，而客人更加唔會因為少少答案而滿足，所以遠野就會將大家身上嘅束縛完全解除，然後同客人正式埋牙！而為求彼此之間唔會有隔膜令靈感交流受到阻礙，遠野絕對唔會戴上安全套上陣，實行打真軍占卜！完事之後，最詳盡嘅答案終於和盤托出，而遠野亦會向客人收取二萬日圓作奉獻，至於占卜結果係咪準確就不得而知喇！不過遠野每日見咁多人，個個都打真軍占卜，容乜易傳染性病㗎！