內地嘅色情玩意，滲透至各個行業，唔少一向被認為係正行生意，如飯店亦有提供裸陪服務，而喺裸陪食飯嘅過程中，客人猶如召妓，開放程度令人咋舌。
一絲不掛
最近到山東泰安出差嘅阿豪，就見識過呢種裸陪服務。話說嗰晚佢同當地三個朋友去到一間飯店，門面唔算細，裏面設有十幾間貴賓房。佢哋入房之後，就有一個女服務員入嚟招呼。「呢度消費好平，我哋四個人叫咗個一百五十元嘅套餐，已經有肉有菜有啤酒，食物放滿晒成張枱。」阿豪道。
當女服務員上齊所有菜之後，就開始脫衣，此時，阿豪才知道原來呢位女服務員就係小姐。對方大抵見慣場面，所以喺眾人面前脫個一絲不掛，亦唔會覺得尷尬。
之後，小姐向佢哋逐個敬酒，而敬酒之時更坐喺男方身上，一邊餵對方喝酒，一面任人上下其手。
阿豪當時覺得奇怪，點解唔一人安排一個小姐？朋友就向佢解釋，因為咁樣消費價錢會好貴，依家一房一小姐，收費只係五十蚊，夠晒抵玩，適合本地消費。
輪流開火
小姐敬完酒後，就開始表演，包括用下身去開啤酒、飲酒，以及跳艷舞等，相當色情。跟住又一輪敬酒，此時，小姐就詢問佢哋想唔想更進一步。原來只要畀多五十蚊肉金，就可以同小姐到另一間房真箇銷魂，阿豪嘅其中一位朋友，立即帶小姐出去，十多分鐘之後才返房。此時，小姐又問仲有冇人想繼續。原來，同一個小姐同時負責招呼房中嘅所有客人。
阿豪知道之後，覺得好污糟，就表示冇興趣，不過，另外兩個朋友卻見怪不怪，輪流上馬，更取笑阿豪保守，令阿豪不得不寫個服字，內地之開放，竟至如此地步。