大家好，我叫Sexyman，今日首次同大家見面。我自問唔係正人君子，但從來唔會做壞事，而且對女人絕對專一（不過只限於上床嗰刻），閒時最鍾意四圍發掘抵玩又過癮嘅性玩意，咪以為買呢啲嘢好嘥錢，最近我發現旺角一間位於商場內嘅性商店就有唔少平嘢賣。
過千款產品
雖然呢度舖仔細細，但售賣嘅性用品就擺到密麻麻，閒閒哋過千款，真係花多眼亂，單係安全套就有幾十款，超薄、熱感、果味嘅樣樣都有，價錢仲好抵添！再睇吓四周圍，發現呢間舖都有好多日本、美國嘅進口貨，問番老闆先知，原來佢不時都會從外國引入一啲最新款嘅性用品，就算人哋冇嘅貨品，佢都有辦法搵到。係啫，但質素點先？老闆就話佢所購入嘅產品，全部都有品質保證，絕對安全可靠喎！
蠱惑震蛋
睇咗一輪，突然醒起早排同Lucy交手嗰陣，佢話想玩震蛋，一於買番個有特色嘅蛋蛋送畀佢先！我問老闆有冇好介紹，佢知道我要嚟送畀人之後，就介紹咗一個Boxset畀我，打開原來係一條頸鏈飾物，但上面嘅吊墜竟然係一個黑色震蛋。我拎上手研究，睇見係大公司出品，而且價錢唔算貴，啱晒我要求，一於買咗佢。店內仲有其他呢類型嘅過癮產品，如果大家有時間就上去睇吓啦！
查詢：2391 6690