SUN體育…體育新聞

足球評述員都要與時並進

 10/06/2003

Keyman自有線開台已經任職,入行十年,他最大收穫是去年到南韓採訪的經歷。「當時我才真正感受得到,南韓人民對足球是如何熱中,對輸贏是如何認真,足球竟可以帶動成個國家起飛,真慶幸可以在這一行發展。」他又建議有意入行人士:「在幕前講波,最緊要是言簡意賅,如果用一句說話,便能講出成場波的關鍵便最好,另外最緊要是有個人風格,當然也需要與時並進。」


在首屆招募獲第三名的李榮基,原來曾經歷過失聲。「記得有場愛華頓對唔知邊隊,開咪前突然啞},結果整個上半場要由Keyman頂晒。」自此一役後,他平日會很小心保護聲帶:「開波前我會先飲一啖川貝枇杷膏,真係會易偉}聲,身旁亦會準備一支蜜糖水,以備不時之需。我唔似Keyman同其他人,佢孕X鏡前仲可以大包細包零食咁食落去,我就一定唔得。」
以一曲《我愛FA CUP》走紅的劉舜文,是第二屆選拔賽得獎者之一。原來他當年面試時,就是一邊彈結他,一邊Rap歌仔,因此而獲得評判青睞。在科大工商管理系畢業的他說:「如果要我跟正職比較,我喜歡講波多一點,因為能以興趣作為職業,實在是一件賞心樂事!」劉舜文平時也有夾Band,難怪當公司要求他為意大利及英國足總杯作兩首主題曲時,也完全難不到他。他更說如果有機會的話,願意繼續自彈自唱呢!
馬啟仁
年齡:32
正職:Producer Officer
李榮基
年齡:28
正職:香港仔浸信會呂明才書院西史科師
劉舜文
年齡:25
正職:會計師