24/11/2008
近呢兩日又傳出千億新抱徐子淇有喜三個月，而佢大伯、百仁基金主席李家傑都好有小朋友緣，雖然佢仲未成家立室，但諗到社會上有班清貧兒童効金融海嘯下一樣好徬徨，就當成自己簕契仔、契女咁關心。
李家傑尋日宣布以百仁基金名義參加政府兒童發展基金計劃，仲拉埋副主席施榮忻同班「百仁」委員齊齊捐錢幫助貧困兒童儲蓄。李家傑含住銀匙出世，唔使憂柴憂米，但佢自爆細個時好慳家，遺傳晒爸爸四叔李兆基簕優良DNA，鍾意儲錢多過使錢。
講起金融海嘯對佢有乜影響，李家傑慨嘆手上有資產簕人都受影響。問到四叔係咪為冲投資縮水搞到好激氣，早前出席公開活動都要搽藥油，佢澄清話爸爸身體非常好，仲計劃聖誕節期間一家大細去旅行度假。去邊度玩？佢大賣關子話：「點話得你知呀！」
)