12/02/2008

藝人床照風暴哄動全城，多位女星慘被牽連，向來以清純可愛形象見稱的鍾欣桐（阿嬌），雖有指她形象受損，但幸其工作態度具專業水準，更獲廣告商力撐其代言地位不變。

阿嬌與阿Sa現以Twins名義代言法國婚紗廣告，法國婚紗市場及銷售經理鄭敏霞表示，阿嬌的代言人身份暫不會有變，鄭小組說：「我們跟英皇保持聯繫，再睇事態發展，事實上Twins擔任代言人後，真係好受歡迎，業績突出，阿嬌在工作上，亦表現乖巧同專業。」

「男歡女愛係好私人簕事」
對於阿嬌昨日勇敢站出來面對事件，鄭小姐表示值得讚賞，她說：「她夠膽承認，唔係推搪，其實錯不在佢，男歡女愛係好私人簕事，只係佢唔好彩。」被問到事件是否有損阿嬌的形象時，她說：「最緊要睇消費者點睇，但暫時冇影響，搵得佢做代言人係因為佢靚女，私生活係管唔到，當然都唔希望有呢件事發生。」Twins的合約將於今年五月屆滿，會否跟她們洽談續約，鄭小姐則表示婚紗代言甚少「𦮳莊」代言，因為講求新鮮感。

阿嬌個人代言的adidas品牌，廣告商發言人張小姐表示，不便透露合約內容，她說：「阿嬌只係為adidas拍攝07秋冬廣告，08春夏廣告則另有新計劃。」被追問是否由阿嬌拍檔阿Sa接棒做代言時，張說：「某程度牽涉到合約，暫未能透露。」

阿嬌個人代言的品牌還有「瘦得起」纖體，跟阿Sa以Twins名義拍攝的廣告則有Regene、曼秀雷敦潤唇膏，有關方面昨未有回覆。