24/06/2006
工聯會最年輕簕副理事長吳秋北只有三十六歲，但就有三個囡囡；大女四歲、另外就有一對孖女只得一歲，佢話未効煲呔呼籲生三個之前，已經達到目標，好有前瞻性。
女細老婆嫩，搞工會周身唔得閒，老婆唔埋怨就怪。未做副理事長之前，吳太已試過殺上工聯會詐型，質問點解老公咁夜返、仲做到流鼻血。呢件事係理事長黃國健講出𨪛，吳秋北反而唔記得。依家經常做到夜晚十點先返屋企，吳秋北對住老婆仔女只能話重質不重量。
初入政壇，個個都唔想踩咁深，吳秋北冇諗過要參加選委會。但黃國健就話，藍領搞工會仲可以靠工業行動爭權益，做白領工會，就一定要搞政治，想佢㳜參選。KK又話，工聯會入邊有一班會計師，依家想協助佢㳜成立一個會計從業員工會，打入會計界。
)