19/06/2006
【本報訊】日本昨晚雖有門將川口能活救出十二碼力保不失，惟因只能與克羅地亞踢成○比○平手，兩隊目前同樣僅得一分吊鹽水，想爭出線必須要在最後一戰擊敗巴西、澳洲。
比賽初段，中田英壽、中村俊輔不斷策動攻勢，可惜未能真正威脅克羅地亞大門。原本克羅地亞在二十分鐘有機會領先，日本隊長宮本囱靖從後踢跌柏素輸十二碼，可惜達里祖史拉主射被川口能活捉到路救出。
八分鐘後，卡蘭積卡禁區頂轉身擺脫加地亮勁射，無奈欠運中楣，加上完半場前川口救出卡斯歷的勁射，注定克羅地亞無法領先。
易邊後五分鐘，加地亮殺入禁區橫傳，豈料柳澤敦門前一射竟斜出，就連日本領隊薛高都被電視鏡頭捕捉到掩面冇眼睇。
克羅地亞三分鐘後亦曾糟蹋一次黃金機會，卡蘭積卡接應卡斯歷妙傳門前臥射出界，結果兩隊激戰九十分鐘互無紀錄。
繼首場分組賽完場前蝦碌失手，門將川口能活昨仗助日本力保不失再成風頭躉，不過他曾在迎接隊友回傳時，因草地不平坦，皮球滾至他面前時突然彈起改變方向，險令他出醜人前，慶幸皮球最後轆出底線僅輸角球，否則該名「靚仔門將」肯定𦭓晒鑊。
