SUN時事…社論及專欄

煲呔今年一定要好 文： 傳媒人史進 24/01/2004 諸位看官，昨天大年初二，財爺唐少開金口，祝願市民新年進步、身體健康、百業興旺、全民就業、財赤無憂。因為倘若承他貴願的話，官府稅費收入滾滾來，財赤自然無憂，他不必再頭痛也。唐少話從近期數據顯示，香港經濟已經復甦，預計通縮到年底完全消失，他對香港經濟審慎樂觀。 特區政府三巨頭阿董、煲呔、唐少，先後講新年新願望，唐少講法冇乜新意，阿董不必說，煲呔又如何？他大年初一向市民拜年，話祝願本港今年經濟再度起飛，人人身體健康，一團和氣，打工仔有人工加！煲呔做過財爺，當然對個「財」字特別敏感八卦，他信風水術數大哥指點，話今年財位在東北，因此特別帶記者在他官邸遊花園，到花園東北方走一轉行大運，今年財氣上身，祝記者發達矣。 他說「今年一定好過舊年」，那麼舊年好不好呢？煲呔天生敏感，主動澄清舊年不是投閒置散，而係做冲好多卄，好似負責制訂人口政策啦、推行全城清潔啦、策劃西九龍文娛藝術區發展啦、年尾又接手專責政制檢討。 好好好，他舊年好今年會更好，史進都希望係咁，事關政制檢討唔講得笑，佢做得好，即係代表中央同特區一團和氣，和氣生財，一定好！而事實上，鄉議局主席劉皇發，昨天到車公廟為香港求籤（何志平唔得閒啦），結果求得中籤，顯示今年香港情況雖有反覆，但市民團結同心，就可克服困難，最壞簕情況已經過去啦！ 今 日 相 關 新 聞 ﹕ 《監察網》 求籤何需講手氣 政治理應服務各方 復甦日經濟須續改革 望越人最後障礙倒下 中東自由之戰開始 另類流年運程 酒文化望而生畏 自欺欺人 新年置業夢 猴年經濟在樂觀中展開 非洲衝突源於民族矛盾 為美大選奠下辯論基調   自欺欺人

版權所有 © 2025 ON.CC LIMITED. All rights reserved.