 |
|
醒目司機不諳水 捨身救人險沒頂
睹少女墮海 夜青劈酒睇熱鬧
【本報訊】一宗跳海自殺事件，盡見人情冷暖！一名失戀少女借酒忘情，扶醉乘的士抵尖沙咀海邊，疑心灰意冷蹈海尋死，幸被醒目的士司機尾隨發覺，冒死撲落海相救，由於司機泳術不精，險捨身成仁沒頂，一群「夜青」竟袖手旁觀，在岸邊睇熱鬧劈酒，直至警方及消防員趕至，才將兩人救起送院。
|
|
 淚流披面惹司機懷疑
跳海少女陳×慈（二十五歲），報住土瓜灣木廠街，她獲救後否認自殺，只稱因失戀心情差才失足墮海，經觀察後已出院。
昨晨三時許，陳女因失戀打擊，相約數名女友人往的士高解悶，情緒激動下獨自登上的士，漫無目的前行，只�韝T十一歲司機林偉典：「你直行啦！」林見她淚流披面，又隱約聽聞陳女撥電給姊姊，哭稱：「家姐，我好窮，請你以後幫我照顧三隻狗仔啦！」言詞間透露有厭世之意。
「再唔救佢一定浸死」
當的士駛至尖沙咀天星碼頭，陳女神情恍惚地落車後，林懷疑對方有尋死企圖，尾隨查究，果然目睹陳女跳海，馬上報警及拋下救生圈拯救。「我游水唔叻，但佢愈漂愈遠，如果再唔落水救佢一定浸死！」林稱當時雖有十多名青年在旁圍觀，但無人下水拯救，他見形勢危急遂躍下海中，最後憑陳女哭聲，在離岸約二十米發現其蹤影，立即游前抓緊其頭髮將陳女扯返岸邊。
這時，一名姓吳男途人（四十七歲）走落岸邊石級伸手協助，而隸屬尖沙咀巡邏小隊姓陳男警員偕同袍趕至，馬上卸下裝備落水，其後趕至的消防員將各人救起。
|
|
|
 |
 女子墮海後由姓林司機（右三）、警員（右二）、姓吳男途人（藍衣者）及消防員（右一）合力救起。 |
|
|
|
|
|