|
港交所派花紅機會好過買領匯
臨近年尾，上班一族最關注有冇花紅派，聞說港交所一眾員工好大機會收到喜訊，因如無意外，港交所想做到人人有花紅派，每人派幾多就要睇個人成績及表現，倘若做得好，分到簕花紅分分鐘超過一個月糧添！雖然未必人人分到好多，但個個有得派，中籤機會仲多過買領匯，都咪話唔高興。
|
|
 逾四成員工加薪
除了派花紅，港交所都希望出年個個有人工加，事關經過過去咁多年的經濟困局，港交所話事人周文耀都覺得一眾員工功勞不小，好應該加薪鼓勵，所以出年應該唔止得四成人有人工加。至於加幾多，就要留番下個星期港交所開董事會先有定案，但聞說周總裁初步建議加多過市場水平，亦即係超過2%。不過，始終人工開支係港交所最大的成本開支，條數都要計得仔細點，不能太過「豪」，否則會直接影響公司業績，所以如無意外，加幅都應該係單位數。
其實港交所加人工都好應該，今年大市成交屢創新高，新上市公司又多，集資額及新股數目肯定破歷史紀錄，該所的盈利當然直接受惠。講開港交所董事會，佢㳜下個星期除了傾人工外，聞說都會應立法會要求，傾𣈳證監會主席職務一拆二的問題。不過，在三層監管架構之下，港交所始終在證監會之下，咁即係由「馬仔」去談論「老細」簕職務點分工，咁你話「馬仔」應該點講好呢？
|