SUN財金…太子手記

第一天然主席鰻魚專家

 05/05/2004
太子記得近十幾年中國大量派人到世界各地留學，以學習人家先進技術，不過大家不要以為到西方學的一定是軍事或科技等先進技術，原來更冷門的都可以學。太子老友第一天然食品主席楊宗龍，二十年前被派到日本留學，學的正是養鰻魚方法。
楊宗龍回國後亦不負眾望，將養鰻魚技術發揚光大，現時日本人食的鰻魚中，六成已經是由中國進口。楊宗龍話，當年日日在養殖場捉鰻魚，因而練到一捉條鰻魚上手，就知道條鰻魚幾重的「秘技」，而佢更話拎起任何一件物件上手，亦知道幾重，到街市買𣆥就一定不會「被人呃秤」。

曾被派往日本學養鰻魚
楊宗龍二十年前就被國家派往日本一年學養鰻魚，可以話是第一代鰻魚專家，而他返國後就繼續研究，將技術不斷改良。楊老闆話，以往効養殖場工作，日日要捉過噸鰻魚，除了練到一捉條鰻魚就知幾重之外，一眼亦可以望出條鰻魚是否生病，雖然現在他已榮升老闆，但秘技尚未忘記。
楊老闆對鰻魚的熱愛程度亦超乎想像，原來楊老闆為了方便睇鰻魚同監察加工場，在工場旁邊興建一座別墅，由工場行去返屋企只用三分鐘。不過，千祈勿小看這座別墅，因為單是開門入到屋就要開七道門，可想而知有幾大。
太子一向都好喜歡食日式蒲燒鰻魚，貪其肥美又香口，不過太子一直只識食，唔知原來養一條鰻魚要花好多心思。
楊老闆話畀太子知，要養大一條小鰻魚，需時一年之久，但相比野生鰻魚來講，已經算好快，因為一條小鰻魚在天然環境中長大到可以食得，居然要十年之久，太子慶幸有人大量繁殖鰻魚，如果唔係一條鰻魚都唔知要賣幾錢？