|
美顏寶搵日女星助陣
進軍東瀛
近幾年香港吹起一片「排毒」風，全因為早兩年一個廣告推出，令「排出毒素身體好」呢句說話深入男女老幼，太子都不得不讚廣告的威力。話說「排毒美顏寶」今年開始打入日本市場，要令日本人對排毒產品有興趣，當然亦都要靠廣告，「排毒美顏寶」的日本代理商便專誠找了一位日本靚女明星做代言人，大家同聲同氣，信任自然多些。
記得「排毒美顏寶」當年初在香港推出時，搵來劉丹同李司棋做代言人，去到日本，當然要搵番當地鄉里賣廣告。日本代言人叫杉本彩，雖然已經三十有四，但身材樣貌仲保持得好Fit。杉本彩做代言人之前，原來都有試食過「排毒美顏寶」，杉本小姐當然好識做地大讚「排毒美顏寶」功效好，所以佢不知幾樂意做代言人。
|