|
鄒文懷打高球上網當減壓
昨日嘉禾娛樂舉行股東大會，主席鄒文懷一如以往，親自出席主持，兼且提早半個鐘到會場，督師打點一切。年屆七十五的鄒文懷，依然神采飛揚，仲同太子大談養生之道。
眾所周知，鄒文懷是高球發燒友，同長實主席李嘉誠分屬「波友」。據鄒文懷講：「每個禮拜都會打幾次，晨早七點就開波，一係去粉嶺打，一係去深圳打！」至於是否同李超人打，佢並沒有直接回應，只笑說：「同好多生意朋友都有打，但今日係開會日，一陣仲要去開會，所以唔打得。」除了打高球減壓外，鄒文懷每晚都會玩電腦，上網瀏覽世界各地最新資訊，仲要晚晚玩到十二點幾先睡覺。不講不知，原來鄒文懷好犀利，撻落床只消幾分鐘就可以𠳓�鞳A所以晚睡早起亦不成問題。佢仲好自豪咁講：「我一有空檔就可以𠳓，搭親車都可以即𠳓，夾埋就可以𠳓多兩個鐘！」
|